Stephane Pierre Paul demanti pawòl yon kouzen Lilianne ki ta lèse kwè se yon bèlfi l ki tiye l nan yon ji tomat

Stephane Pierre Paul demanti pawòl Wilson Pierrre Paul ki ta lèse kwè se yon bèlfi jounalis Lilianne Pierre Paul ki tiye l nan yon ji tomat.

Stephane Pierre Paul ki se ti frè Lilianne Pierre Paul demanti pawòl Wilson Pierrre Paul ki se kouzen jounalis la ki ta lèse kwè se yon bèlfi l ki ta tiye l nan yon ji tomat. Stephane Pierre Paul ki rekonèt endividi a kòm yon manb nan fanmi an kalifye akizasyon sa yo regretab.

Stephane Pierre Paul ki t ap reponn kesyon jounalis fè konnen nan tout fanmi gen pwoblèm men se yon bagay prive. Toutfwa, li pa ekate posiblite pou ta fè otopsi kadav la pou detèmine koz egzat lanmò jounalis la ki rann souf li a 70 lane.

Yon lòt bò, Marvel Dandin denonse kanpay denigreman kèk endividi ap fè kont Lilianne Pierre Paul aprè lanmò l. Sou rezo a gen moun ki pa sispann oze kritike jounalis la menm nan lanmò li epi menm ale trè lwen nan eksprime kontantman yo.

Lilianne Pierre Paul mouri lendi pase a. Selon pwòch li se ta yon kriz kadyak ki ta koz la. Lilianne te konn prezante jounal 4è nan radyo Kiskeya. Yon edisyon jounal moun te renmen tande anpil.

Dekouvri plis:

Le premier ministre Justin Trudeau et sa conjointe, Sophie Grégoire, annoncent leur séparation